Pakistan's Premier Multilingual News Platform

سانحہ تیزگام: وزیر ریلوے کا لواحقین کیلئے فی کس 15 لاکھ روپے امدد کا اعلان

186

سانحہ تیزگام: وزیر ریلوے کا لواحقین کیلئے فی کس 15 لاکھ روپے امدد کا اعلان

وزیرریلوے شیخ رشید احمد— فوٹو فائل
وزیر ریلوے شیخ رشید احمد نے سانحہ تیزگام میں جاں بحق مسافروں کے لواحقین کے لیے فی کس 15 لاکھ روپے اور زخمیوں کے لیے 5 لاکھ روپے امداد کا اعلان کیا ہے۔

وزیر ریلوے شیخ رشید احمد نے اپنے ویڈیو بیان میں جاں بحق مسافروں کے لواحقین کے لیے فی کس 15 لاکھ روپے اور زخمیوں کے لیے فی کس 5 لاکھ روپے امداد کا اعلان کیا۔

شیخ رشید احمد نے بتایا کہ دو کوچوں کی بکنگ کرانے والے تبلیغی جماعت کے امیر حسین محفوظ ہیں جنہوں نے حیدرآباد، محراب پور اور نواب شاہ سے سواروں کو بٹھایا تھا۔

وزیر ریلوے نے بتایا کہ امیر حسین کے پاس جاں بحق افراد کے نام موجود ہیں جس کے ذریعے اہل خانہ سے رابطے کر رہے ہیں۔

انہوں نے بتایا کہ تبلیغی جماعت کے تقریباً 2 لاکھ لوگ اجتماع کے وقت ریلوے میں سفر کرتے ہیں، ہماری کوتاہی ہے کہ یہ لوگ سیلنڈر ساتھ لے جانے میں کامیاب ہوئے۔

وفاقی وزیر نے ایک بار پھر کہا کہ بوگی میں دو سیلنڈر اور ایک چولہا پھٹنے سے مسافر جاں بحق ہوئے۔

شیخ رشید احمد نے بتایا کہ 49 لاشیں بوگیوں کی آگ بجھانے اور کولنگ کے بعد نکلیں تاہم پاک فوج اور دیگر ادارے امدادی کارروائیوں کے لیے پہنچ گئے ہیں۔

انہوں نے اپنے بیان میں مزید کہا کہ چھوٹے ریلوے اسٹیشنز پر اسکینر نہیں ہیں، میں خود رحیم یار خان جا رہا ہوں، امدادی سرگرمیوں کو خود مانیٹر کروں گا

Comments are closed.