کالعدم تنظیم کا وزیر آباد میں پڑاؤ، راولپنڈی میں 11 روز سے سڑکیں بند

کالعدم تنظیم کے لاہور سے اسلام آباد جانے والے مارچ نے وزیر آباد میں پڑاؤ ڈال لیا ہے۔ وزیر آباد شہر کے دوسری طرف دریائے چناب پر مارچ کے شرکاء کو روکنے کے لیے رکاوٹیں کھڑی کر دی گئی ہیں اور اطراف میں خندقیں بھی کھود دی گئی ہیں۔

وزیر آباد سے سیالکوٹ اور گوجرانوالا جانے والے راستے بھی رکاوٹیں لگا کر بند کر دیے گئے ہیں۔

گوجرانوالا میں ٹرین اور انٹرنیٹ سروس اب تک معطل ہے لیکن شہر میں زندگی معمول پر آنے لگی ہے اور دکانیں کھل گئی ہیں۔

گوجرانوالا میں پیٹرول کی فراہمی بھی بحال ہو گئی ہے جبکہ لاہور جانے والے راستے بھی کھل گئے ہیں۔