پاکستان میں خواتین کو زیادہ عزت دی جاتی ہے: مریم نفیس
پاکستانی اداکارہ مریم نفیس نے کہا ہے کہ یہ بات درست ہے کہ پاکستان میں خواتین کو زیادہ عزت دی جاتی ہے۔
نجی چینل کے ایک شو کے سیگمنٹ میں اداکارہ مریم نفیس نے وفاقی وزیر برائے امور کشمیر علی امین گنڈا پور کی جانب سے مسلم لیگ (ن) کی نائب صدر مریم نواز پر کیے جانے والے تبصرے سے متعلق گفتگو کی۔
یہ بھی پڑھیں
اداکارہ مریم نفیس وفاقی وزیر علی گنڈاپور کے بیان پر سیخ پا
اپنی بات پر قائم ہوں، جیسا منہ ویسا تھپڑ ماروں گا، علی امین گنڈاپور
اداکارہ مریم نفیس پارلیمنٹ میں پیش آئے واقعے پر پھٹ پڑیں
اداکارہ نے کہا کہ کوئی اتنے بڑے پلیٹ فارم پر یہ نہیں کہہ سکتا کہ عورت کو تھپڑ ماروں گا، گندی زبان استعمال کرنے کی اجازت کسی کو نہیں ہونی چاہیے۔
انہوں نے کہا یہ بات درست ہے کہ پاکستان میں خواتین کو زیادہ عزت دی جاتی ہے مگر انہیں علی امین گنڈاپور کے مریم نواز کے خلاف بیانات پر بہت افسوس ہوا تھا۔
یاد رہے کہ علی امین گنڈا پور نے رواں برس جولائی میں آزاد کشمیر انتخابی جلسے سے خطاب کے دوران مریم نواز کو تنقید کا نشانہ بناتے ہوئے ان پر ذاتی حملے کرتے ہوئے کہا تھا کہ جیسا منہ ویسا تھپڑ ماریں گے۔