ذرائع کے مطابق پاکستانی ٹیلی وژن(پی ٹی وی ) کی جانب سے سابق سپیڈ سٹار شعیب اختر اور اینکر نعمان نیاز کے مابین تلخ کلامی کے معاملے پر دونوں کو آف ایئر کرنے کے بعد سرکاری ٹی وی چینل نے راولپنڈی ایکپسریس کو ہرجانے کا نوٹس بھجوادیا ہے۔
شعیب اختر کو کنٹریکٹ کی خلاف ورزی پر ہرجانہ کا نوٹس بھیجا گیا، کنٹریکٹ کے مطابق شعیب اختر استعفیٰ کی صورت میں 3 ماہ کی تنخواہ ادا کرینگے۔
ذرائع کا کہنا تھا کہ شعیب اختر کنٹریکٹ کے مطابق کسی اور ٹی وی پروگرام میں شریک نہیں ہوسکتے تھے، شعیب اختر کے استعفیٰ کیوجہ سے پی ٹی وی کو نقصان ہوا۔
Utterly Disappointed. After miserably failing to safeguard my respect & repute while i was working for PTV, they have now sent me a Recovery Notice. I am a fighter & will not give up & fight this legal battle. My lawyer @SalmanKNiazi1 will take this forward according to law.
— Shoaib Akhtar (@shoaib100mph) November 7, 2021
قانونی نوٹس میں کہا گیا ہے کہ پاکستان ٹیلی وژن اور شعیب اختر کے درمیان جو معاہدہ طے پایا تھا، اس کی شق نمبر 22 میں درج ہے کہ اگرچہ دونوں فریق معاہدہ ختم کر سکتے ہیں، تاہم اس کے لیے تین ماہ کا نوٹس دینا لازمی ہو گا یا پھر اس کے مساوی تنخواہ کی ادائیگی کرنی ہو گی۔
نوٹس کے مطابق چونکہ شعیب اختر نے 26 اکتوبر کو آن ایئر پی ٹی وی سے استعفیٰ دینے کا اعلان کر دیا تھا لہٰذا وہ نہ صرف اس معاہدے کی خلاف ورزی کے مرتکب ہوئے ہیں بلکہ اس کی وجہ سے پی ٹی وی کو غیر معمولی مالی نقصان برداشت کرنا پڑا ہے۔